Pe Bawn I'n Gallu Llunio Deddf...

Dathlu ac ystyried llwyddiant pobl ifanc sy’n gwneud ffilmiau ac sydd â rhywbeth i’w ddweud.

gan Gordon Lamont

Addas ar gyfer

• Cyfnod Allweddol 2

Nodau / Amcanion

Dathlu ac ystyried llwyddiant pobl ifanc sy’n gwneud ffilmiau ac sydd â rhywbeth i’w ddweud.

Paratoad a Deunyddiau

• Porwch trwy’r ffilmiau byrion sydd wedi eu llunio gan bobl ifanc, ar y wefan hon ar: www.makewav.es/story/485967/title/lightscameraparliament2013winners https://www.youtube.com/watch?v=vfAkF6WJWLo
• Dewiswch ffilm rydych chi’n meddwl a fydd o ddiddordeb i’ch myfyrwyr, a threfnwch fod gennych y modd i’w dangos iddyn nhw yn y gwasanaeth. Does dim un yn fwy na thri munud o hyd.
• Nodwch fod y manylion ar gyfer y gystadleuaeth - ‘Lights, Camera, Parliament!’ - i’w cael ar: https://www.parliament.uk/education-resources/Lights,%20Camera,%20Parliament!/lights-camera-parliament-resources.pdf
  a dyma ble bydd manylion am gystadlaethau eraill yn y dyfodol i’w cael hefyd.

Gwasanaeth

1. Dangoswch y ffilm rydych chi wedi ei dewis, a gofynnwch y cwestiynau canlynol i’r plant.
   
   – Beth ydych chi’n feddwl o’r ddeddf sy’n cael ei hawgrymu yma – a yw’n syniad da?
   – Pam rydych chi’n ei hoffi?
   – Allwch chi weld unrhyw broblemau gyda’r ddeddf hon?
   – Beth oeddech chi’n ei feddwl o’r ffilm ei hun? Oedd hi wedi ei chynhyrchu’n dda, a pha mor glir roedd hi’n cael y neges drosodd i chi?
   – Oedd rhywbeth roeddech chi’n benodol yn ei hoffi, neu ddim yn ei hoffi, ynghylch y ffilm?
   
   
2. Eglurwch fod y ffilmiau wedi cael eu cynhyrchu ar gyfer cystadleuaeth flynyddol sy’n cael ei rhedeg gan y Senedd a’r  mudiad Makewaves. Mae’r gystadleuaeth yn rhoi cyfle i bobl ifanc ddweud wrth y Senedd am ddeddf y bydden nhw’n hoffi ei llunio, a hynny trwy gyfrwng ffilm sy’n para tri munud.
   
   
3. Awgrymwch fod deddf dda yn anodd ei llunio! Mae hynny oherwydd y ffaith y dylai fod yn glir, yn hawdd ei deall, ac yn newid rhywbeth er gwell. Fe ddylai hefyd fod yn deg â phawb, nid dim ond yn gweddu i un grwp neilltuol yn unig. 

Amser i feddwl

Oes un ddeddf yr hoffech chi ei llunio?

Treuliwch foment yn meddwl am eich deddf - cofiwch fod rhaid iddi fod yn glir, yn hawdd ei deall, ac yn newid rhywbeth er gwell.

Fe ddylai hefyd fod yn deg â phawb, nid dim ond yn gweddu i un grwp neilltuol yn unig.

Ar ôl ysbaid, gofynnwch am unrhyw awgrymiadau, os yw’r amser yn caniatáu. Fel arall, awgrymwch y gallai’r plant feddwl am hyn wedi iddyn nhw fynd yn ôl i’r dosbarth ac/neu fe ddowch chi’n ôl at y pwnc mewn gwasanaeth arall.