Gall democratiaeth fod yn beth creadigol
gan Gordon Lamont
Addas ar gyfer
- Ysgol gyfan (Uwchradd)
Nodau / Amcanion
Annog y myfyrwyr i feddwl yn greadigol ynghylch themâu democrataidd.
Paratoad a Deunyddiau
- Nodwch:Cafodd y gwasanaeth hwn ei lunio ar gyfer ei ddefnyddio ym mis Ionawr 2014. Os ydych yn debygol o'i gyflwyno'n ddiweddarach, ewch at wefan Gwasanaeth Addysg y Senedd (ar: www.parliament.uk/education) er mwyn cael y newyddion diweddaraf am gystadlaethau a gwobrwyon.
- Paratowch ymlaen llaw, gyda phedwar neu chwech o fyfyrwyr, bod pob un yn siarad yn fyr ar un o'r cynigion canlynol y gellid o bosib eu gosod gerbron y Senedd.
- Y dylai Senedd y D.U. symud o San Steffan a chael ei leoli yn rhywle sy'n fwy canolog.
- Y dylai fod yn anghyfreithlon i beidio â phleidleisio mewn etholiadau cyffredinol.
- Dylid gostwng oed pleidleisio i 16.
- Dylid gostwng oed pleidleisio i 14.
- Dylai aelodau o gynghorau ysgol dderbyn tâl.
- Y cyhoedd, trwy bleidlais, a ddylai bennu'r tâl y mae Gwleidyddion yn ei dderbyn. - Mae'r gwasanaeth hwn yn canolbwyntio ar ddau o weithgareddau cyhoeddus Senedd y D.U. sy'n ymwneud â phobl ifanc - efallai y byddwch yn awyddus i fwrw golwg dros y rhain ymlaen llaw:
- Gwobrwyon y Llefarydd ar gyfer Cynghorau Ysgol (Speaker’s School Council Awards) ar: www.parliament.uk/business/commons/the-speaker/parliament-and-the-public/speakers-school-council-award-/
- Goleuadau, Camera, Senedd! (Lights, Camera, Parliament!) ar: https://www.parliament.uk/education-resources/Lights,%20Camera,%20Parliament!/lights-camera-parliament-poster-2014.pdf - Gweler hefyd:
–www.assemblies.org.uk/sec/1186/democracy-have-your-say, sy'n archwilio'r syniad o ddemocratiaeth a bod â llais
–www.assemblies.org.uk/sec/1141/on-democracy, sy'n archwilio'r cysyniad o ddemocratiaeth ac sy'n annog myfyrwyr i bleidleisio
– www.parliament.uk/education/teaching-resources-lesson-plans/school-debating-pack, ar gyfer adnoddau trafod mewn ysgolion uwchradd.
Gwasanaeth
- Eglurwch fod dau gyfle cyffrous yn ystod mis Ionawr i fod yn ymwneud â democratiaeth mewn ffordd ddeinamig ac uniongyrchol - y naill a'r llall yn cael eu cyflwyno gan ein Senedd ni yn Llundain. Cyflwynwch yn fyr Wobrwyon y Llefarydd ar gyfer Cynghorau Ysgol, gan egluro bod prosiectau cynghorau ysgol sydd wedi gwneud gwahaniaeth mewn ysgolion neu gymunedau, yn gymwys i ymgeisio. Boed yn fach neu’n fawr - nid yw o bwys; y cyfan sy'n ofynnol yw eu bod yn arwain at newid cadarnhaol. Bydd yr enillwyr yn cael mynd o amgylch y Senedd a chyfarfod â'r Llefarydd.
- Soniwch hefyd am, Goleuadau, Camera, Senedd! (Lights, Camera, Parliament!), sydd â ffocws ar gynhyrchu ffilmiau. Gofynnir i fyfyrwyr gynhyrchu (neu gynllunio) ffilm fer yn ymwneud â deddf newydd yr hoffen nhw ei chyflwyno.
Ar y pwynt hwn, dangoswch un o ffilmiau llwyddiannus y llynedd, oddi ar y linc sydd wedi ei nodi yn yr adran ‘Paratoad a deunyddiau’ uchod, os ydych yn awyddus i’w defnyddio. - Nodwch fod y naill beth a'r llall yn gyfleoedd creadigol i ymwneud â democratiaeth, ac mae democratiaeth angen meddylfryd creadigol os yw am dyfu a datblygu. Mae angen brys am annog cymaint â phosib o bobl i ddefnyddio'u pleidlais ac ymwneud â phob math o weithgareddau democrataidd ar bob lefel.
Dywedwch eich bod yn mynd i geisio cyflwyno rhywfaint o ddemocratiaeth greadigol yn awr trwy ofyn i'r myfyrwyr yr ydych eisoes wedi eu dewis o flaen llaw i ddatgan eu cynigion, a siarad yn fyr arnyn nhw. - Bwriwch bleidlais ar y cynnig sydd yn fwyaf tebygol o'r holl gynigion i gynyddu'r ymwneud â democratiaeth.
Amser i feddwl
Pa ffyrdd creadigol y gallwch chi feddwl amdanyn nhw a fyddai'n gwella'r ymwneud â democratiaeth?
Allwch chi lunio syniad am ffilm ar gyfer deddf yr hoffech chi ei gweld yn dod yn weithredol?
Ydych chi'n gwybod am brosiect cyngor ysgol y credwch chi sy'n haeddu ennill gwobr?
Allwch chi'n bersonol fod yn ymwneud mwy â'r broses o benderfynu democrataidd?
Dyddiad cyhoeddi Ionawr 2014
Dyddiad cyhoeddi: Ionawr 2014 Cyhoeddwyd gan SPCK, Llundain, UK.
